Ֆրանսահայ կինոռեժիսոր Անրի Վերնոյի 100-ամեակի առիթով Երեւանի մէջ Հոկտեմբերի 29-31-ը տեղի կ՛ունենայ «Ազգային կինո՝ համամարդկային ժառանգութիւն. վերանայում, պահպանութիւն, հանրայնացում» խորագիրով եռօրեայ գիտաժողովը:

Անրի Վերնոն տարագիր հայերու օրինակելի ներկայացուցիչ է: Անոր ստեղծագործական ուղին ծաւալուած է Ֆրանսիայի մէջ։ Անոր շուրջ 40 լիամետրաժ ժապաւենները քրէական ժանրի նմուշներ են՝ արկածային, ոստիկանական, գանգստերական  թրիլերներ։  

Վերնոյի ստեղծագործական ուղին նման է այլ տարագիր հայ կինոգործիչներու անցած ճանապարհին, որոնք օտարութեան մէջ կենդանի կը պահեն հայկական մշակոյթը։

Եռօրեայ գիտաժողովը կ՛անցկացուի անգլերէն եւ հայերէն՝ համաժամանակեայ (սինքրոն) թարգմանութեամբ: Գիտաժողովի ընթացքին տեղի կ՛ունենայ յատուկ հանդիպում-զրոյց Անրի Վերնոյի որդիի՝ Բաթրիկ Մալաքեանի հետ, կը կազմակերպուի Վերնոյի առաւել նշանաւոր ֆիլմերու կինոպաստառներու ցուցադրութիւն։

Նշենք, որ Անրի Վերնոյ-Աշոտ Մալաքեանի յիշարժան յոբելեանը ներառուած է ԵՈՒՆԵՍԿՕ-ի նշանաւոր անձերու կարեւոր իրադարձութիւններու օրացոյցին մէջ:

Հայ ժողովրդական «Կուժն առա» քնարական երգ:

https://www.youtube.com/watch?v=LrdTIBsAWwo