Western Armenia TV-ն յատուկ ռեպորտաժ պատրաստած է Արեւմտեան Հայաստանի զաւակ, բանասեր եւ բառարանագիր Քեյթի Գունդակչեանի եւ անոր տոհմի մասին։ Քեյթի Գունդակչեանը արմատներով Արեւմտեան Հայաստանի Զեյթուն գաւառէն է, որու տոհմը տարածաշրջանի մէջ յայտնի եղած է բժիշկներով եւ զինագործներով։ Տիկին Գունդակչեանը զրոյցի ժամանակ ներկայացուց իր տոհմի ծագումնաբանութիւնը եւ այն սովորոյթները, որոնք աւանդոյթ մնացած են իրեն՝ Արեւմտեան Հայաստանէն գաղթած ազգականներէն։ Խոր ցաւօվ կը յիշէ իր նախապապին, ով թուրք փաշայի կնոջը բուժելէ ետք սպաննուած է, որովհետեւ հայ էր։ Խօսելով աւանդոյթներու մասին, ներկայացուց մանկահասակ տարիքին ամուսնութեան իրական պատճառները, ըստ որու տղաները կ՛ազատուէին թուրքական բանակ երթալէ, իսկ աղջիկնեը՝ հարեմ ։ Տիկին Գունդակչեանը հեռուստադիտողի հետ կիսուեցաւ իր մասնագիտական ընտրութեան, բառարանագիր դառնալու եւ հայանպաստ այլ գործունէութիւններու մասին։