Ընդամենը 23 գարուններ ապրած եւ մարդկային կեանքն իմաստալից դարձնելու ճանապարհին անմահացած, Ազատագրական բանակի լաւագոյն զինուոր Մանուկ Սահակեանի ծննդեան 52-րդ ամեակն է։

Ծնած է Հոկտեմբերի 27 ին 1969թ. Էջմիածին-Վաղարշապատի Զուարթնոց գիւղին մէջ։  Աւարտած է գիւղի միջնակարգ դպրոցը եւ Երեւանի մէջ ուսումնարան։ Առաջին ազատագրական մարտերու ժամանակ մասնակցած է Վարդենիսի մէջ, ապա Գորիսի, մասնակցած է Կոռնիձորի պաշտպանութեանը, մարտնչած է հերոսաբար։ Այնուհետեւ անդամագրուած է Լեոնիտ Ազգալդեանի Ազատագրական բանակի շարքերուն։ Մանուկը դեռ չի լրացած իր քսաներեք տարին, հասցուցած էր մասնակցիլ աւելի քան քսաներեք հայկական բնակավայրերու ինքնապաշտպանական եւ մանաւանդ ազատագրական բուռն մարտերուն։ Այդ մարտերուն իր բացառիկ խիզախութեան, դէպի թշնամիի դիրքերը անկասելի ու անվեհեր իր խոյանքի, զինակիցներու նկատմամբ ասպետական հոգատարութեան համար դարձած էր թշնամիի ահն ու սարսափը, մարտական ընկերներու՝ պաշտելի «Մանչը»։ 

1990 թուականին ան Վարդենիսի շրջանին մասնակցած էր Քելբաջարի ուղղութեամբ ձեռնարկուող ռազմահետախուզական գործողութիւններուն։ Այնուհետեւ, Նոյեմբերեանի եւ Գորիսի շրջաններու, յատկապէս Կոռնիձորի կռիւներու մարտիկը դարձաւ։ Այդ ժամանակ, ըսած է թէ՝ առաջին օրէն, ազատագրական մեր պայքարի մեծ հրամանատար Լեոնիտ Ազգալդեանի կողքին կանգնած էր եւ անոր ղեկավարութեամբ ալ կը մարտնչէր թշնամիի դէմ՝ վասն վտանգուած հայրենի եզերքներու ապահովութեան։ Դժուար է մէկ առ մէկ թուարկել այն բոլոր տեղավայրերը, որոնց ինքնապաշտպանական կռիւներու կիզակէտին յայտնուած էր Մանուկը. Վարդենիսի շրջան՝ Կըզըլքենդ, Փամբակ, Դարա, Ենիքենդ, Կյունեշլի, Սոդք, Վերին Շորժա, Շահումյանի շրջան՝ Բուզլուխ, Մանաշիդ, Էրքեջ, Ղարաչինար, Մարտակերտի շրջան՝ Թալիշ, Մարաղա, Լենինավան, Չայլու, Մատաղիս, Տոնաշեն, Մեծշեն, Կիչան, Օրթա եւ Բաշ Գիւնեփայա, Կարմիրավան, Սրխավենդ, Նարեշտար, Չարեքտար, Աղդաբան, Չայղուվուշան,…

Իր պաշտելի հրամանատար Լեոնիտ Ազգալդեանի կորուստէն եւ Մարտակերտի անկումէն ետք վիրաւոր կորիւնի ցասումով, Մանուկը մասնակիցն էր արդեն հայկական բնակավայրերու ազատագրման համար մղուող անհավասար պայքարին։ 1992թ. Հուլիսի 27-ին, Արցախի Մարտակերտի շրջանի Մոխրաթաղ գիւղի բարձունքներու վերագրաւման համար մղուող թեժ մարտին զոհուեցաւ քաջ մարտիկ Մանուկ Սահակեանը։ Փառք քաջ Հայորդիին։ Շնորհաւոր ծննդեան օրը։