Օրերս Ախալքալաքի մունիցիպալիտետի Սակրեպուլոյի մէջ, տեղական իշխանութիւններու, Ջաւախքի ազգային պարկի եւ Նահանգապետարանի ներկայացուցիչները քննարկեցին Կարզախ գիւղի Խոզապինի լիճի մաքրման միջոցառումները։ Լիճը կը գտնուի անմխիթար վիճակի եւ անհրաժեշտ է այն փրկել։ Խոզապինի լիճի կէսը կը գտնուի Թուրքիայի կողմը, իսկ միւս կէսը՝ Վրաստանի կողմը։ Կարզախ գիւղին մէջ լիճի վրացական հատուածը կանաչապատ է: Լիճը կը գտնուի Ջաւախքի ազգային պարկի տարածքին։ Ազգային պարկի ներկայացուցիչներն ահազանգած են լիճի վատ վիճակի մասին։ Թուրքական կողմէ Խոզապինի լիճը մաքուր է ու թափանցիկ, վրացական կողմը ամբողջովին կանաչ է։ Ազգային պարկը մտավախութիւն ունի, որ ժամանակի ընթացքին լիճը կարող է վերածուիլ ճահճի։