Թուրքական բանակի հրետանին Հոկտեմբերի 28-ին գնդակոծեր է Սուրիայի հիւսիսին գտնուող Այն տեկնա եւ Պեյլունիա բնակավայրերը, որոնք կը վերահսկեն քրտական ստորաբաժանումները։

Al Mayadeen հեռուստաալիքի փոխանցմամբ՝ յարձակման հետեւանքով վնաս հասցուած է բնակելի շէնքերուն եւ կենցաղային շինութիւններուն, խաղաղ բնակիչներու շրջանին զոհերու մասին տեղեկութիւն չկայ։

Քուրտ զինեալները պատասխան կրակ բացած են Ազազ սահմանային շրջանի վրայ, ուրկէ հրետանային արկեր արձակուած են։

Աւելի վաղ կատաղի փոխհրաձգութիւն տեղի ունեցած է քրտական ստորաբաժանումներու եւ Թուրքիայի կողմէ աջակցուող զինուած ընդդիմադիր խմբաւորումներու միջեւ։ Գրոհայինները փորձեր են առաջ շարժուիլ դէպի Այն տեկնա գիւղ եւ գրաւել այն, սակայն քրտերը յետ մղած են թուրքամետ ուժերի առաջխաղացումը։

Հոկտեմբերի 27-ին թուրքական զօրքերը Սուրիայի հիւսիս ուղարկած են երկու շարասիւն՝ զրահատեխնիկայով, զէնքով, զինամթերքով եւ նիւթատեխնիկական սարքաւորումներով։ Ըստ քրտական աղբիւրներու՝ ռազմական մատակարարումները կը վկայեն այն մասին, որ Անկարան կը պատրաստուի անվտանգութեան գոտիի ընդլայնման գործողութեան։