Թուրքական haberler.com լրատուական կայքը, անդրադառնալով Արեւմտեան Հայաստանի westernarmeniatv հեռուստատեսութեանը, ներկայացուցած է Թուրք-Ատրպէյճանական բարեկամութեան միութիւններու փոխնախագահ Սերտար Ունսալի յայտարարութիւնը։ Յայտարարութեան մէջ վերոնշեալ անձը քննադատաբար խօսած է մեր հեռուստատեսութեան մասին, որտեղ մասնաւորապէս նշած է, որ բռնազաւթուած Արեւմտեան Հաայստանը հայկական տարածք համարող մեր բոլոր տեսակէտներն ու պնդումները կոպիտ սխալ են։ Ունսալը նաեւ հորդորած է մեզ խելոք մնալ եւ մոռնալ այդ պնդումները, եթէ կը ցանկանանք Թուրքիայի հետ յարաբերութիւններու վերականգնում եւ բարեկամութիւն։ Հակառակ պարագային ան կը սպառնայ, որ սահմաններու բացման մասին խոսք չի կարող ըլլալ։

Կ՛ուզենք յիշեցնել Ունսալին, որ Թուրքիայի հետ յարաբերութեան, առաւել եւս բարեկամութեան մասին առաջինը խօսած են իր երկրի ղեկավարները։ Իսկ մոռնալ սեփական պատմութիւնն ու արիւնալի անցեալը հարիր չէ ոչ մէկ քաղաքակիրթ ազգի, առաւել եւս, եթէ յանցանք կատարողը միջազգային իրաւական հիմքի վրայ երբեք չէ ընդունած սեփական յանցանքը եւ որեւէ տեսակի հատուցում չէ կատարած։ Արեւմտեան Հայաստանը՝ հաւատարիմ մնալով իր սկզբունքներուն, կը շարունակէ իր արդար գործը՝ նոյն պնդումներով ու նոյն գաղափարով։