Հայաստանը շահագրգռուած է Արցախի մէջ ռուս խաղաղապահներու ներկայութեան ժամկէտի երկարաձգմամբ՝ մինչեւ Արցախի կարգավիճակի վերջնական որոշումը: Ինչպէս կը յայտնէ ՌԴ պետական ՏԱՍՍ գործակալութիւնը, այս մասին յայտնած են Հայաստանի անվտանգութեան խորհուրդի քարտուղարի գրասենեակէն:

«Ցաւօք, այս պահին իրավիճակը բաւարար կայուն չէ անվտանգութեան տեսանկիւնէն: Վերջերս մենք տեսանք հրադադարի խախտում, որու հետեւանքով հայ զոհուեցաւ՝ քաղաքացիական անձ, կան նաեւ վիրաւորներ: Հետեւաբար, Արցախի մէջ ռուս խաղաղապահներու գործոնը կարեւոր եւ նշանակալի կ՛ըլլայ այնքան ժամանակ, քանի դեռ չէ լուծուած Արցախի վերջնական կարգավիճակի հարցը»,- ըսած են Հայաստանի անվտանգութեան խորհուրդի գրասենեակէն:

ՀՀ ԱԽ գրասենեակի վրայ հղում կատարեով ՏԱՍՍ-ի այս տեղեկատուութիւնը ուշագրաւ է Մոսկուայի մէջ պայմանագիրներու հնարաւոր ստորագրելու վերաբերեալ տեղեկատուական հոսքերու համաթեքստին։ ՌԴ ռազմական կոնտինգենտը Արցախի մէջ է Արցախի հանրապետութեան կարգավիճակը բացառելու դիմաց։ Արցախի կարգավիճակը բացառելու մասին բազմիցս արտայայտուեր են Բութինը եւ Լավրովը։ Ռուս զինուորականներու ներկայութեան ժամկէտը Արցախի կարգավիճակով պայմանաւորիլը կը վերահաստատէ այս հանգամանքը։