Հայաստանն ունի մեծ ներուժ՝ դառնալու գաստրոթուրիզմի սիրելի ուղղութիւն աշխարհի տարբեր երկիրներէն ժամանող զբօսաշրջիկներու համար: «Արմենփրես»-ի փոխանցմամբ, այս մասին Forbes-ի մէջ յօդուած հրապարակած է Աբելը, ով աշխարհի տարբեր երկիրներէն եկած զբօսաշրջիկներու հետ ժամանած է Հայաստան՝ բացայայտելու մեր երկրի խոհանոցային գրաւչութիւնը:

Հայաստանի տարբեր տեղեր ան փորձած է հայկական խոհանոցի նրբաճաշակ համերը ու խմել հայկական գինին:

«Այս երկրի մէջ կայ ինտելեկտուալիզմ: Այստեղ շախմատն ազգային սպորտաձեւ է: Մատենադարանին մէջ ցուցադրուած են հնագոյն տպագիր գիրքեր, թանկարժէք ձեռագրեր, նկարազարդուած գունաւոր գիրքեր եւ մանրանկարներ: Այդ շատ բանի մասին կը խօսի հայերու վերաբերեալ, ովքեր 20-րդ դարի սկիզբը Օսմանեան կայսրութեան մէջ կազմակերպուած ցեղասպանութեան ժամանակ նախընտրած էին պաշտպանել հիասքանչ գիրքերը»,- գրած է հեղինակը:

Ան նշած է, որ հայկական ուտելիքները բազմազան են, կը պարունակեն շատ հետաքրքիր թարմ համեմունքներ: Հեղինակը կը պատմէ նաեւ հայկական գինիներու այն տեսականիի եւ նուրբ համերու մասին: