Հայ ժողովուրդը բնիկ է ամբողջ Հայկական լեռնաշխարհին։ Այդ ապացուցած են գիտնականներ։ Հայկական լեռնաշխարհը կը տարածուի Եփրատէն մինչեւ Կուր-Արաքսեան միախառնումով պատկերուող եռանկիւնաձեւ ամբողջ տարածքին։ Եւ դեռեւս Արարատեան թագաւորութեան (Ուրարտու) ժամանակաշրջանին հզոր հայոց թագաւորները կը նուաճէին ու իւրացնէին այդ տարածքները եւ անոնցմէ արեւելք՝ ընդհուպ մինչեւ Պաքու (հայոց հնագոյն Բակուրակերտ քաղաքը) եւ Կասպից ծովն եղած տարածքները։ Ո՞րտեղ էիք դուք՝ քոչուոր ակոյունլու եւ կարակոյունլու ցեղախումբերու հետնորդներդ, որ շատ աւելի ուշ՝ 12-13-րդ դարերէն ներթափանցեցիք Պարսկաստան, այնտեղէն՝ Հայկական լեռնաշխարհ, ապա Բիւզանդական կայսրութեան  անհեռատես քաղաքականութեան հետեւանքով տարածուեցաւ Արեւմտեան Հայաստանով՝ հասնելով մինչեւ Միջերկրական ծով եւ Դարդանելի ու Բոսֆորի նեղուցներ։ 

Թ՞է 1918 թուականին Օսմանեան կայսրութեան եւ Աթաթուրքի խորամանկութեամբ Ատրպէյճան հորջորջուած պետութիւնով կը հպարտանաք, գուցէ Ստալինի դրած ատրպէյճանցիներ անուանումո՞վ։ Ա՞յս է ձեր պատմութիւնը։ Եթէ այս է, ուրեմն մեր գիւղերուն մէջ ու լեռներու լանջերուն պատսպարուած ամենէ փոքր մատուռն անգամ ձեզմէ աւելի հին պատմութիւն ունի։