«Ավրորա» մարդասիրական նախաձեռնութիւնը «Ավրորա» համաշխարհային մարդասիրական եօթերորդ մրցանակի առաջադրումներու փուլը յայտարարուած է փակ: Հարիւրաւոր մարդիկ ամբողջ աշխարհէն առաջադրած են 592 թեկնածուի:

«Արմենփրես»-ի փոխանցմամբ՝ այս մասին հաղորդագրութիւն տարածած է «Ավրորա» մարդասիրական նախաձեռնութեան Հանրային կապերու բաժինը:

Առաջադրումներու մեկնարկը նուիրուած է 2021 թ. Ապրիլի 24-ին՝ hայերու դէմ իրագործուած ցեղասպանութեան յիշատակի օրը: Այդ նոյն օրը յայտարարուծ էին 2021 թ. «Ավրորայի» հինգ հերոսները, որոնց ընտրած էր «Ավրորա» մրցանակի Ընտրող յանձնաժողովը՝ անոնց ցուցաբերած խիզախութեան, նուիրուածութեան եւ ունեցած ազդեցութեան համար:  2022 թ. «Ավրորա» մրցանակի համար ստացուած են առաջադրումներ 62 երկիրներէն։ Այնուհետեւ «Ավրորա» մրցանակի Ընտրող յանձնաժողովը կը դիտարկէ յայտերը եւ կ՛ընտրէ 2022 թ. «Ավրորայի» հերոսներուն, ապա՝ «Ավրորա» մրցանակի դափնեկիրին:

2022 թ. «Ավրորայի» հերոսներու անունները կը յայտարարուին 2022 թ. Ապրիլի 24-ին։