Արեւմտեան Հայաստանի Սամոսատ-Ատը եաման նահանգի Փերրէ հնագոյն քաղաքին մէջ իրականացուած պեղումներու ժամանակ երկու տղամարդու կմախքներ յայտնաբերուած են՝ ենթադրաբար 1500 տարեկան։

Փերրէն Կոմմագենէ թագաւորութեան հինգ մեծ քաղաքներէն մէկն է, որը պահպանած է իր նշանակութիւնը նաեւ Հռոմէական ժամանակաշրջանին։ Անցեալ տարի պեղումներու ժամանակ այստեղ յայտնաբերուած էր 220 մեթր երկարութեամբ աստիճանաձեւ կառոյց, իսկ այս տարի 350 մեթր խորութեան հասնող պեղումներու ընթացքին յայտնաբերուած դամբարանին մէջ գտնուած են երկու երիտասարդ մարդու պատկանող ոսկորներ։ Դամբարանին մէջ կմախքներէն բացի ուրիշ գտածոյ չէ յայտնաբերուած։