Գրի ու գրականութեան հանդէպ հանրութեան լայն շրջանակի սերն ու հետաքրքրութիւնն առաւել մեծցնելու նպատակով «Պուկինիստ» ընկերութեան նախաձեռնութեամբ նոյեմբերի 4-ին տեղի կ՛ունենայ «Գիրքի օր ու գիշեր-2021»-ը:

«Արմենփրես»-ի թղթակիցը այս նիւթի շուրջ զրուցած է «Պուկինիստ»-ի հիմնադիր Խաչիկ Վարդանեանի հետ, որը պատմած է, որ «Գիրքի գիշեր» կազմակերպելու  գաղափարը ծնած է վեց տարի առաջ:

«Տօնի շրջանակին երեկոյեան 18:00-22:00-ը «Պուկինիստ» գրախանութներու ցանցին ներկայացուած գիրքերը, տարբեր պարագաները վաճառուած են 30 տոկոս զեղչով: 

Նոյեմբերի 4-ին առաւօտ 10:00-22:00-ը գրախանութը գիրքերը կը վաճառէ զեղչով: Իսկ  22:00-էն մինչեւ յաջորդ օր առաւօտ 10:00-ը վաճառքը կը շարունակէ առցանց՝ books.am հարթակով»,- նշած է  Վարդանեանը:

Միջոցառումը տեղի կ՛ունենայ «Պուկինիստի» բոլոր երեւանեան գրախանութներուն մէջ, Սեւանի, Դիլիջանի գրախանութներուն, ինչպէս նաեւ ընկերութեան հետ աշխատող Արմավիրի, Մասիսի, Կորիսի եւ Կապանի գրախանութներուն մէջ:

Տօնի շրջանակին կը սպասուի հիւրասիրութիւն, գիրքի սիրուած հերոսներու հետ լուսանկարուելու հնարաւորութիւն, ժամանցային խաղեր, խաղարկութիւն եւ շարք մը անակնկալներ:

«Վերադարձ» անսամբլի Համշենի հարսանեկան պարերգ: