ԱՀ Ասկերանի շրջանի Հիլիս համայնքը 155 բնակիչ ունի. պատերազմէն ետք բոլորը վերադարձած են հայրենի եզերք:

Այս մասին «Արցափրես»-ի թղթակիցի հետ զրոյցի ժամանակ ըսած է Հիլիսի համայնքապետ Արթուր Ղուլեանը: 

«Արցախեան 44-օրեայ պատերազմէն ետք 3 ընտանիք հաստատուեր է գիւղին մէջ՝ 15 հոգիով՝ Հադրութ քաղաքէն, Ասկերանի շրջանի Սղնախ համայնքէն ու Քաշաթաղէն:

Այդ ընտանիքներ օգտուեր են տեղահանուածներուն տրամադրուող աջակցութենէն:

Համայնքապետարանի շէնքը անմխիթար վիճակի մէջ կը գտնուի: Ըստ նախատեսուածի՝ մոտ օրերս կը մեկնարկեն համայնքային կենտրոնի շինաշխատանքները։ Այստեղ կը գործէ նաեւ բուժկէտը: Ունինք նորակառոյց հանդիսութիւններու սրահ: Գիւղամիջեան ճանապարհները բարեկարգման կարիք ունին: Դպրոցը կը հաճախէ 9 աշակերտ, իսկ գիւղի 11 երեխաները կը հաճախեն հարեւան Խնձրիստանի մանկապարտեզ: Այս պահի դրութեամբ պետական միջոցներով 5 տուն կը վերանորոգուի: Գիւղը գազաֆիկաուած է, ապահոված է էլեկտրաէներգիայով, շուրջօրեայ ջրամատակարարմամբ»,- ներկայացուցած է համայնքապետը: