Հայաստանի նկարիչներու միութեան դահլիճին մէջ բացուեր է հայ նկարիչներու «Իրանը հայ արուեստագետներու աչքերով» ցուցահանդէսը:

Հայաստանի նկարիչներու միութեան նախագահ Սուրեն Սաֆարեանի խօսքով՝ օրը նշանակալի է, քանի որ կ՛ամփոփուի  երկար ամիսներու աշխատանքը, եւ նոր գաղափարներու եւ ծրագրերու հիմք կը դրուի:

«Նկարիչներու միութիւնը կարեւորած է նման օրինակ համագործակցութիւնները: Այսօրուայ մեր ցուցահանդէսը վառ ապացոյցն է. տարբեր տարիքի հայ նկարիչներ պատկերած են Իրանն իրենց պատկերացումներով, գրականութեան միջոցով: Այնուհետեւ 7 մասնակից նկարիչներ հնարաւորութիւն  կ՛ստանան մեկնելու Թեհրան, իրենց աչքերով տեսնելու եւ ստացած  տպաւորութիւններով եւ նիւթերով Հայաստանի մէջ ստեղծագործելու արդեն նոր ցուցահանդէսի համար»,- նշած է  Սուրեն Սաֆարեանը:

ՀՀ-ի մէջ Իրանի Իսլամական Հանրապետութեան արտակարգ եւ լիազօր դեսպան Ապաս Բադախշան Զոհուրին շնորհակալութիւն յայտնած է կողմերուն նման ցուցադրութիւն կազմակերպելու համար եւ ընդգծած է, որ Իրանի եւ Հայաստանի միջեւ յարաբերութիւնները եկած են դարերու խորքէն, որոնք ջերմ եւ բարեկամական եղած են:

Ցուցահանդէսի շրջանակին տեղի ունեցած է յուշագրի ստորագրում Հայաստանի  նկարիչներու միութեան եւ Իրանի Իսլամական Հանրապետութեան նկարիչ արուեստագետներու միութեան միջեւ:

Համշենի հայերի «Էլլա, էլլա» պարերգ:

https://www.youtube.com/watch?v=1kLsqVc2Tcg