Արեւմտեան Հայաստանի նախագահական խորհուրդը, Ազգային խորհուրդը, Արեւմտեան Հայաստանի կառավարութիւնը եւ խորհրդարանը հանդիպում կազմակերպած են ի յիշատակ Արտեն Շելեֆեանի։

Արտեն Շելեֆեանը, արմատներով Մուշէն եղած է, ծնած է 1951թ. Սեպտեմբերի 25-ին եւ մեծցած է Կոստանդնուպոլիսի մէջ։ Աւարտած է Շուեյցարիայի Լոզանի համալսարանը։

Ան տնտեսագիտութեան դոկտորի կոչում ունի ու իր գիտելիքներով օգնած է աշխարհի տարբեր ֆինանսական եւ արտադրական ընկերութիւններու։ 

Աւելի քան 12 տարի ան եղած է Արցախբանկի տնօրեններու խորհուրդի անդամ եւ նախագահ, Ֆրենկ Միւլլերի գլխաւոր խորհրդականը։

Արտեն Շելեֆեանը եղած է Արեւմտեան Հայաստանի Հանրապետութեան Նախագահական խորհուրդի անդամ, Արեւմտեան Հայաստանի պետական ​​հեռուստատեսութեան հիմնադիրը։

Ան իր ամբողջ կեանքը նուիրած է հայ ժողովուրդի իրաւունքներու վերականգնմանն ու Արեւմտեան Հայաստան պետութեան ինքնիշխանութեան ու իրաւունքներու պաշտպանութեան։

MITANNI հիմնադրամի նախագահ Արտեն Շելեֆեանը հայ ազգի հնագոյն պատմութեան վերաբերեալ բազմաթիւ գիրքերու նախաձեռնողն էր: Իր գլխաւոր մտահոգութիւնը հայ ազգի պատմական ճշմարտութեան վերականգնումն էր։

Արտեն Շելեֆեան, տնտեսագետ, մտաւորական, պատմաբան, բազմալեզու, իրաւապաշտպան, պետական ​​գործիչ, ջերմեռանդ փաստաբան եւ պարզապէս Արեւմտեան Հայաստանի զաւակ, ով շատ անսպասելի հեռացաւ մեզմէ։ Այդ ժամանակ դեռ կ՚աշխատէր Սեւրի դաշնագիրի հարիւր ամեակին նուիրուած միջոցառումները կազմակերպելու։

Արեւմտեան Հայաստանի նախագահական խորհուրդը, Ազգային խորհուրդը, Կառավարութիւնը եւ Արեւմտեան Հայաստանի խորհրդարանը միասնաբար իրենց յիշատակի խօսքն յայտնած են անոր կնոջը, զաւակներուն, Պարոն Շելեֆեանի ողջ ընտանիքին եւ ընկերներուն։

Հանգչիր խաղաղութեամբ.

Արմենակ Աբրահամեան

Արեւմտեան Հայաստանի Հանրապետութեան նախագահ