ԱՄՆ-ն բացայայտօրէն կը հասկցնէ, որ Թուրքիայի հետ յարաբերութիւններու իրենց խնդիրները կապուած են բացառապէս Թուրքիայի առաջնորդ Ռեջեփ Էրդողանի անձի հետ, ով «կը տատանուի դաշնակից-թշնամի կարգավիճակներու միջեւ»։

Հռոմի մէջ G20-ի գագաթնաժողովի շրջանակին Թուրքիայի նախագահ Ռեջեփ Էրդողանը հանդիպած է ԱՄՆ նախագահ Ճո Պայտենի հետ։

Հանդիպման առաջին եզրակացութիւնը․ Ուաշինգտոնի հետ լիարժէք երկկողմ երկխօսութեան մէջ մտնելու Անկարայի բոլոր փորձերը միջազգային տարբեր հանդիպումներու ձեւաչափերէն դուրս դեռ չեն պսակուած յաջողութեամբ։ Սպիտակ տունը կը կապէ «Ուաշինգտոնի եւ Անկարայի միջեւ շարունակուող լարուածութեան եւ ռազմավարական տարաձայնութիւններու հետ»:

Երկրորդը՝ Սպիտակ տունը ցոյց կ՛ուտայ, որ Թուրքիայի համար աւելի կարեւոր է երկու նախագահներու անձնական հանդիպումը. «Թուրքիայի տնտեսութիւնը կը ցնցուի, իսկ Էրդողանը  կը կորսցնէ ճանաչելիութիւնը»։

Երկու նախագահներու խորհրդականներ Ջեյք Սալիվանն ու Իպրահիմ Քալընը քննարկած են  շարք մը հարցեր՝ խօսքը երկկողմ ռազմական համագործակցութեան, Աֆղանստանի, Մերձաւոր Արեւելքի եւ Անդրկովկասի մասին էր։ Միեւնոյն ժամանակ, առանձնացուած էին Թուրքիայի մասնակցութեան հարցը F-35 կործանիչներու արտադրութեան ծրագրին (Ուաշինգտոնը հրաժարուած է համագործակցիլ Անկարայի հետ ռուսական С-400 զենիթահրթիռային համակարգերը ձեռք բերելէ ետք) եւ ամերիկեան F-16 կործանիչները գնելու դիմումը։

Թուրքիայի արտաքին գործերու նախարար Մեւլութ Չաւուշօղլուն CNN Türk-ին տուած հարցազրոյցի ժամանակ ըսած է, որ «եթէ Միացեալ Նահանգները չի ցանկանա լուծել F-35-ի հարցը, Թուրքիան կը քննարկէ այլ տարբերակներ, այդ թիւին՝ ռուսական արտադրութեան Սու-35 կամ Սու-57 գնելու տարբերակը»:

Թուրքիան, թերեւս, Մերձաւոր Արեւելքի այն երկիրներէն է, որն առաջինն  զգացած է տարածաշրջանին ամերիկեան ազդեցութեան թուլացումը եւ սկսիլ  իւրովի «խաղալ» աշխարհաքաղաքական տախտակի վրայ։ Որու արդիւնքին՝ Արեւմտեան գործընկերներու կողմէ Անկարային արգելափակելու եւ մեկուսացնելու միտումներ կան։

Այս ֆոնին Թուրքիայի եւ Ռուսաստանի համագործակցութեան ընդլայնումն, Արեւմուտքին կ՛ընկալուի որպէս հնարաւոր՝ տարածաշրջանային նոր  ռազմաքաղաքական դաշինքի ստեղծման տարբերակ։

Եւրոպացի շատ փորձագետներու կարծիքով, Թուրքիայի ներկայիս իրավիճակի վրայ ազդելու համար բաւական է ստեղծել այնպիսի իրավիճակ, որտեղ ան այլ ընտրանք չունենայ արտաքին տնտեսական օգնութիւն ստանալու առումով։ Իսկ ինչ կը վերաբերուի ԱՄՆ-ին, Պայդենը չի պահեր, որ պատրաստ է օգնութիւն եւ աջակցութիւն ցուցաբերել Թուրքիայի ընդդիմադիր ուժերուն։