Հայաստանի Հանրապետութեան սահմանադրական դատարանի նախագահ Արման Տիլանեանի հրաւերով 2021 թուականի Նոյեմբերի 4-ին պաշտօնական այցով Հայաստան  ժամանած է Վրաստանի սահմանադրական դատարանի նախագահ Մերապ Տուրավայի գլխաւորած պատուիրակութիւնը։ ՀՀ սահմանադրական դատարանը կը տեղեկացնէ, որ այցի նպատակը որակական նոր լիցք հաղորդել երկկողմ յարաբերութիւններու յետագայ զարգացումն է, ինչպէս նաեւ նպաստել երկկողմ եւ բազմակողմ ձեւաչափերով միջդատարանական համագործակցութեան խորացման։

Պաշտօնական այցի շրջանակներուն տեղի կ՛ունենան առանձնազրոյց՝ Հայաստանի Հանրապետութեան եւ Վրաստանի սահմանադրական դատարաններու նախագահներու միջեւ, ընդլայնուած կազմերով մասնագիտական քննարկումներ: