2022 թուականին կը լրանայ Հայաստանի Հանրապետութեան եւ Իրանի Իսլամական Հանրապետութեան միջեւ դիւանագիտական յարաբերութիւններու հաստատման 30-ամեակը, որուն ընդառաջ Մատենադարանը կը նախաձեռնէ Իրանի մշակութային օրեր։

Անոնց շրջանակներուն նախատեսուած են գիրքերու շնորհանդէսներ, Ղաջարական դարաշրջանին նուիրուած ցուցադրութիւն եւ Մատենադարանին մէջ պահուող «Ղաջարական դարաշրջանի ձեռագրակազմերու վերականգնման» տեսական եւ գործնական ծրագրի իրականացում, որը մեկնարկեց այսօր։

Մատենադարանի տնօրեն Վահան Տեր-Ղեւոնդեանի խօսքով,-«Մատենադարանին մէջ ունինք 450-էն աւելի պարսկերէն ձեռագրեր, մի քանի հարիւր վավերագրեր։ Մինչեւ հիմա այդ ձեռագրերու եւ վավերագրերու ուսումնասիրութեան առումով հսկայական գործ  կատարուած է։ Թոյլ տուէք յայտարարել սկսած այսօր Իրանի մշակոյթի օրերը Մատենադարանին մէջ  բացուած»։

Իրանի Իսլամական Հանրապետութեան դեսպանատան Մշակոյթի կենտրոնի խորհրդական Սեյլետ Հուսեյն ըսաւ. – «Մենք մտադիր ենք տարին յայտարարել Իրանի տարի։ Այդ տարուայ շրջանակներուն Հայաստանի տարբեր կրթամշակութային հաստատութիւններու եւ համալսարաններու հետ տարատեսակ մշակութային միջոցառումներ կը կազմակերպենք։ Եւ մեզ համար մեծ պատիւ է, որ այդ տարուայ նուիրուած միջոցառումներն սկսինք Մատենադարանէն»։