Արեւմտեան Հայաստանի Արտուին նահանգի Քաչհալ լեռան փեշերուն մոտ 1100 տարի առաջ կառուցուած եւ վերջերս յայտնաբերուած եկեղեցիի ներքին հատուածը տեղաբնակներու եւ բնութեան սիրահարներու շնորհիւ առաջին անգամ լուսանկարուած է։

Եկեղեցւոյ ներսը յայտնաբերած են կամարաձեւ կամուրջ, նկուղներ եւ ստորգետնեայ քարանձաւներ։ 3 հազար 428 մեթր բարձրութեան վրայ գտնուող դարաւոր եկեղեցին   հիացուցած է այցելուներուն։ Տեղացիներու կողմէ որպէս Քիլայեթի վանք կամ Կոյսերու եկեղեցի կոչուող այս վեհաշուք կառոյցը կը գտնուի ժայռերու դժուարամատչելի եւ զառիթափ լանջի վրայ։

Կ՛ենթադրուի, որ շինութիւնը, որը չունի քարէ արձանագրութիւն, հիմնադրած է Գրիգոր Գանձա քահանան, ով  կարեւոր կրոնական գործունէութիւն  ծաւալած է տարածաշրջանին մէջ։

Եկեղեցւոյ տարածքին կը գտնուին փոքր մատուռներ եւ դիտաշտարակներ, որոնցմէ մէկն ամբողջութեամբ աւիրուած է իսկ միւսի պատերը դեռ կանգուն են։