Արեւմտեան Հայաստանի Շրնաք, Սղերթ եւ Վան նահանգներու սահմանին գտնուող  2950 մեթր բարձրութեան Կատօ լեռն առաջին անգամ լուսանկարուած է բնութեան սիրահարներու կողմէ։ Ըստ աւանդութեան՝ նոյնիսկ Ալեքսանտր Մակեդոնացին չէ կարողացած յաղթահարել Կատօ լեռը։ Իր բնական գեղեցկութիւններու շնորհիւ լեռը դարձած է բնութեան սիրահարներու սիրուած վայրերէն մէկը:

Ձմեռն այստեղ խստաշունչ է, լեռին գագաթն ու լանջերը կը ծածկուին ձիւնի հաստ շերտով, իսկ գարնանը բնութեան զարթօնքի հետ կը բացուի դրախտային տեսարան։ Առատ բուսականութեան շնորհիւ լեռին լանջերը կը ստանան բնութեան մէջ ամենէ գեղեցիկ գոյները։ Այստեղ կ՛այցելեն զբօսաշրջիկներ՝ ինչպէս երկրի ներսը, այնպէս ալ աշխարհի տարբեր վայրերէն։

Սիրելի հայրենակիցներ, Արեւմտեան Հայաստանի զաւակներ, դուք նոյնպէս կարող եք այցելել մեր նախնիներու բնօրրանը՝ Կատօ լեռը, որտեղ անպայման կը հանդիպիք հեքիաթային բնական գեղեցկութեան։