Արեւմտեան Հայաստանի Մարդին նահանգի Դերիք գաւառին մէջ 1650 թ․ կառուցուած Սուրբ Գեւորգ եկեղեցին կը հետեւին  տեղի մահմետական կին բնակիչները։ Այդ մասին, Akunq.net-ի փոխանցմամբ, կը հաղորդէ «Ամերիկայի ձայնը»։ Աղբիւրը կը յայտնէ, որ այդ մահմետական կանայք,  յիշեալ եկեղեցին իրենց համար եւս սուրբ համարելով, կը մաքրեն եկեղեցւոյ տարածքը ու կը հետեւին։

Հայերու դէմ իրագործուած ցեղասպանութենէն ետք եկեղեցւոյ շէնքը բռնագրաւուած է թուրքական պետութեան կողմէ եւ տարիներ շարունակ օգտագործուած է տարբեր նպատակներով։ Երբ գաւառի հայութեան թիւը վերստին սկսած է աճիլ, 1957 թ․ եկեղեցին վաճառուած է տեղի հայկական համայնքին։ 2004 թ․ վերականգնուած եկեղեցին վերաբացուած է։ Այն տարիներ շարունակ խնամած է նոյն թաղամասի բնակիչ Հաթուն Չաչուրը, սակայն, յետագային չէ կարողացած շարունակել այդ գործը՝ ծերութեան եւ հիւանդութեան պատճառով։ Չաչուրէն ետք, ըստ սկզբնաղբիւրի, եկեղեցին դարձեալ տեղի բնակչուհիները տեր կանգնած են։ Գաւառին մէջ մնացած վերջին հայը՝ Զաքարիա Սապունջուն, միակ մարդն է, ով այստեղ եկած է աղօթելու։ «Ամերիկայի ձայնի» թղթակցի հետ զրոյցի ժամանակ ան շեշտած է, որ տարիներ առաջ այստեղ 7 եկեղեցիներ եղած են, որոնցմէ միայն այս մէկը  մնացած է։