Արցախի պատերազմը առիթ էր, որպէսզի Ջաւախքի  երիտասարդները մէկ օրուայ մէջ ինքնակազմակերպէին եւ հիմնաքարը տեղադրէին «Ջաւախքը հայի կողքին» հիմնադրամի, որը պատերազմի ընթացքին հումանիտար բեռ եւ դրամական միջոցներ  ուղարկած էր Հայաստան: Ո՞վքեր են հիմնադրամի ներկայացուցիչները եւ ի՞նչ ծրագիրներ ունին:  Հիմնադրամի նախագահ Կարեն Պապիկեանը, ներկայացնելով իր ստեղծած կազմակերպութիւնը, գործունէութենէն որոշ մանրամասներ պատմած է իր եւ գործընկերներուն։ Ըստ անոր՝ մէկ տարուայ ընթացքին պատերազմի հիմնադրած «Ջաւախքը հայի կողքին» կառոյցը կարգ մը հայրենանուէր ու բարեգործական միրոցառումներ կազմակերպած է, մասնաւորապէս՝ ախալքալաքցիներու  միասնութեամբ դրամահաւաք նախաձեռնած է եւ առաջին փուլին հաւաքուած 270 000 ԱՄՆ դոլարը փոխանցած է Հայաստան Համահայկական հիմնադրամին, իսկ երկրորդ փուլին՝ զոհուածներու ընտանիքներուն, վիրաւոր զինուորներուն, ինչպէս նաեւ  Արցախէն Հայաստան տեղափոխուած աւելի քան 10 000 ընտանիքի դրամական օգնութիւն եւ տարբեր տեսակի աջակցութիւն ցուցաբերած է։ Կարեն Պապիկեանի խօսքով՝ անշուշտ եղած են նաեւ պատերազմին մասնակցող մեծ թիւով հայրենասեր տղաներ, որն առաւել քան բարի գործ է։

Պապիկեանը վստահեցուցած է՝ հիմնադրամը կը շարունակէ իր ստանձնած առաքելութիւնը, գործունէութեան ուղղութիւնը փոխելով դէպի Ջաւախք։

Յիշեցնենք, որ ջաւախեցիներու մեծ մասը կը հանդիսանան ցեղասպանութենէն մազապուրծ՝ Արեւմտեան Հայաստանէն բռնազաւթուածներու սերունդները։ Կ՛ուզենք նշել, թէ ինչպիսի նուիրեալ զաւակներ տուած է Արեւմտեան Հայաստանը եւ որքան կենսական ու կարեւոր է աշխարհով  տարածուած հայ ժողովուրդի համախմբուածութիւնը։