Եւրամիութեան արտաքին գործերու եւ անվտանգութեան քաղաքականութեան խօսնակ Պետեր Ստանոն յայտարարած է Արցախի 44-օրեայ պատերազմը դադարեցնելու նպատակով Հայաստանի, Ատրպէյճանի եւ Ռուսաստանի միջեւ կնքուած եռակողմ համաձայնութեան առաջին ամեակի առնչութեամբ:

«Արմենփրես»-ի փոխանցմամբ, յայտարարութեան մէջ նշուած է, որ ԵՄ-ն կը ցաւի ռազմական գործողութիւններու ընթացքին գրանցուած մարդկային կորուստներու համար ու կը ցաւակցի բոլոր զոհերու ու վիրաւորներու ընտանիքներուն:«Թէ եւ ռազմական գործողութիւնները դադրած են, սակայն դեռեւս կան շատ հրատապ հարցեր, որոնք լուծուելու կարիք ունին, որպէսզի հնարաւոր ըլլայ շարժուիլ դէպի բանակցային եւ կայուն կարգաւորում: Մենք մասնաւորապէս կոչ կ՛ուղենք խիստօրէն պահպանել հրադադարը, անհապաղ ազատ արձակել բոլոր գերիներուն, լիարժէք համագործակցիլ  ականազերծման հարցին եւ սահմանային հատուածները թեթեւացնել լարուածութիւնը: Եւրամիութիւնը կը շարունակէ հանձնառու մնալ՝ խթանելու  խաղաղութիւնն ու բարգավաճումը Հարաւային Կովկասի մէջ»,- կ՛ըսուի խօսնակի յայտարարութեան մէջ: