Մարտակերտի Քոլատակ գիւղին մէջ պատերազմէն ետք մարդկանց քանակը ոչ թէ պակսած է, այլ աւելցած․ այստեղ տեղափոխուած են իրենց տուներէն զրկուած բնակիչներ, նաեւ՝ զինուորականներ։

Պատերազմէն ետք՝ եռակողմ համաձայնագիրի հետեւանքով, Աղտամի շրջանը անցաւ Ատրպէյճանին, անոր մէջ ներառուած են Մարտակերտի շրջանի եօթ գիւղերը։ Այս գիւղերը հայաթափուեցան ընդամենը մէկ օրուայ մէջ։ Բայց կրակոցներն ու «բայրաքթարները» Քոլատակ չեն հասած։  44-օրեայ պատերազմի ժամանակ Քոլատակը «թաքստոց» դարձած էր։ Մինչեւ պատերազմը գիւղին մէջ կը բնակէր 258 մարդ, իսկ ներկայ պահին 327։ Պատերազմէն ետք կ՛ապրին  հանգիստ առօրեայով։ Գիւղի միակ դպրոցին մէջ վեց ուսուցիչ  կ՛աշխատի, այստեղ կը հաճախեն 50 աշակերտ եւ կողքի Թբղլի գիւղէն 26 երեխայ։

Բնակիչները կը զբաղուին հողագործութեամբ եւ անասնապահութեամբ։ Գիւղի ներքեւի հատուածը կը կառուցուի “WOW Glamping” էկոճամբար զբոսաշրջիկներու համար, նաեւ նոր գործարան կը բացուի։

Քոլատակցիները մեծ յոյսեր կապած են նաեւ  7-րդ դարի կառուցուած եւ 19-րդ դարէն ետք չգործող Յակոբավանքի վերակառուցման հետ։