Նախատեսուած է վերականգնել Արագածոտնի մարզի Կաթնաղբիւր համայնքի հեթանոսական շրջանի «Զաքարի բերդ» յուշարձանը, որը պատմական իւրայատուկ յուշարձաններէն է եւ կառուցուած է Մ․Թ․Ա․ 1-էն Մ․Թ․Հ. 1-ին դարերուն:

«Արմենփրես»-ի հաղորդմամբ՝ «Պատմամշակութային արգելոց-թանգարաններու եւ պատմական միջավայրի պահպանութեան ծառայութիւն» ՊՈԱԿ-էն կը յայտնեն, որ բերդն ունեցած է մեծ քանակով խոշոր ամբարներ, քարէ մսուրներ, երկար քարէ աստիճաններ, հաստ պարիսպներ։ Ամենէ նշանակալից պեղումները բերդի տարածքին մէջ կատարուած են 1990-ականներու սկիզբը՝ անուանի հնագետ Եսայի Ասատրեանի խումբի կողմէ։ Այդ ժամանակ բերդի տարածքէն գտնուած են հնագիտական արժէքաւոր իրեր։

Օրերս Արագածոտնի Ներքին Բազմաբերդ համայնքի՝ Եսայի Ասատրեանի անունը կրող դպրոցին  մէջ կնքուած է յուշագիր, համաձայն որու 2022-էն կը սկսին «Զաքարի բերդ» հնագիտական յուշարձանի տարածքի մաքրման, բարեկարգման, գիտական յետագայ ուսումնասիրութեան աշխատանքները։ Յուշագիրը կնքուած է Եսայի Ասատրեանի ընտանիքի, «Պատմամշակութային արգելոց-թանգարաններու եւ պատմական միջավայրի պահպանութեան ծառայութիւն ՊՈԱԿ»-ի, ԳԱԱ հնագիտութեան եւ ազգագրութեան ինստիտուտի միջեւ։

Հայ ժողովրդական «Գագու, գագու» խաղերգ:

https://www.youtube.com/watch?v=DWtJvb6fWW4