«44-օրեայ պատերազմէն ետք Արցախի Տիգրանակերտը եւս անցաւ Ատրպէյճանի վերահսկողութեան տակ, եւ ահա ատրպէյճանցի հեռուստալրագրող Սետեթ Մեմմետովայի իւթուպեան ալիքին 2021 թուականի Հոկտեմբերի 31-ին տեղադրած տեսաձայնագրութեան մէջ առանձնակի հպարտութեամբ ներկայացուցած է, որ Տիգրանակերտի արքայական աղբիւրներու պուրակը վերածուեր է զուարճանքի վայրի:

Ատրպէյճանը կը խախտէ մշակութային ժառանգութեան պատմականութիւնը, ամբողջականութիւնը, կը զրկէ  սերունդներուն՝ ժառանգութիւննը փոխանցելու  հնարաւորութենէն, որը դէմ է ԵՈՒՆԵՍԿՕ-ի  «Համաշխարհային մշակութային եւ բնական ժառանգութեան»  պահպանութեան միջազգայնօրէն ընդունուած  շարք մը սկզբունքներուն։

Արեւմտեան Հայաստանը խիստօրէն կը դատապարտէ Ատրպէյճանի դրսեւորած այս հերթական հակահայկական արարքը՝  բռնազաւթուած Արցախի հանդէպ, ինչպէս եւ կտ դատապարտէ Թուրքիայի նման տեսակի գործողութիւնները՝ Արեւմտեան Հայաստանի հանդէպ։