Արեւմտեան Հայաստանի Տիգրանակերտ նահանգին մէջ Սիլվանի ջրամբարի շինարարութիւնը նախատեսուած է աւարտել յաջորդ տարի։ Երբ ջուրն ամբողջութեամբ հաւաքուի, ջրամբարի տակ  կ՚անցնի 50 գիւղ։ Հին հռոմէական բնակավայր համարուող Էնթաք գիւղը նոյնպէս կ՚անցնի պատմութեան գիրկը:

Էնթաք գիւղին մէջ կը գտնուի նաեւ ամրոց մը, որը պատմական կարեւոր բնակավայր է։

Յայտնի չէ այն երբ կառուցուած է, սակայն արձանագրուած է հռոմէական ժամանակաշրջանին։ Էնթաք ամրոցի եկեղեցին յետագային վերածուած է մզկիթի, իսկ չորսանկիւն մինարեթն աւելացուած է աւելի ուշ։ 2015 թուականին  որպէս յատուկ պահպանուող տարածք հռչակուած ամրոցը անտեսուածութեան եւ անտարբերութեան պատճառով վերածուած է աւերակի։

Արեւմտեան Հայաստանի կառավարութիւնը կը դատապարտէ թուրքական իշխանութիւններու կողմէ նախնական, ազատ եւ տեղեկացուած համաձայնութիւնը յարգելու ձախողումը, ինչպէս նաեւ այս անբնական քաղաքականութեան հետեւանքով էկոլոգիայի մէջ տեղի ունեցող փոփոխութիւնները։