Սուիրիայի հիւսիսային քրտաբնակ շրջաններուն մէջ թուրքական զինուած ուժերու հնարաւոր յարձակման վտանգի տակ գտնուող գիւղերու բնակիչները սկսած են լքել իրենց տուները։

Սուրիայի դեմոկրատական ուժերէն հաղորդուող տեղեկութեան համաձայն՝ մինչեւ այսօր Թել Թամեր եւ Այն Իսա շրջաններուն միջեպ գտնուող 15 գիւղ ամբողջովին դատարկուած է։

Մամուլի խօսնակ Ֆերհադ Շամին, խօսելով այն մասին, որ Թուրքիան նոր ռազմական գործողութիւն կը նախապատրաստէ, նշած է․«Բռնազաւթիչ թուրք զինուորներու եւ զրահապատ մեքենաներու ուղեկցութեամբ հարիւրաւոր վարձկաններ տեղակայուած են տարբեր խաչմերուկներ։ Բազմիցս փորձած են սադրել մեր ուժերուն»։

Թել Թամերի մոտ գտնուող Այն Աբիդ գիւղի 52-ամեայ բնակիչ Աբտուլքերիմ Ահմետը քրտական լրատուամիջոցի հետ զրոյցի ժամանակ նշած է, որ կը խուսափի  թուրքերու հնարաւոր յարձակումէն։

«Մարդիկ միանշանակ վնաս կը կրեն։ Ստիպուած են  լքել իրենց տուները եւ գաղթել։ Կը կորսնցնենք մեր ապրուստի միջոցը»,-ընդգծած է ան եւ կոչ ուղղած է միջազգային հանրութեանը կանխել հնարաւոր պատերազմը։