ՀՀ էկոնոմիկայի նախարար Վահան Քերոբեանը ընդունած է Հայաստանի Հանրապետութեան մէջ Իրաքի Հանրապետութեան դեսպանութեան գործերու ժամանակաւոր հաւատարմատար Տոկ Սուհալիան Մ․Խալիլ Ալ–Ջուբուրին։ ՀՀ էկոնոմիկայի նախարարութիւնը կը տեղեկացնէ, որ շնորհակալութիւն յայտնելով ջերմ ընդունելութեան համար՝ Տոկ Սուհալիան Մ․Խալիլ Ալ-Ջուբուրը յայտնած է, որ Իրաքի Հանրապետութիւնը կը ցանկանայ  աւելի սերտացնել հայ-իրաքեան յարաբերութիւնները եւ մեծցնել Հայաստանի հետ առեւտրաշրջանառութեան ծաւալները։ Ան շեշտած է Հայաստանի կարեւորութիւնը Իրաքի համար, նաեւ  իր երկրի մէջ հայերու սիրուած  ըլալլը, եւ կարծիք յայտնած է, որ որակեալ աշխատանքի համար պէտք է համագործակցիլ հայերու հետ։ Հաւատարմատարն առաջարկած է Պաղտատի մէջ անցկացնել երկու երկիրներու միջկառավարական յանձնաժողովի նիստը եւ հաւելել, որ Իրաքը հետաքրքրուած է Հայաստանի շինարարութեան եւ էներգետիկայի ոլորտներուն մասնագիտացած ընկերութիւններու մասնակցութեամբ իրենց երկրի վերակառուցման գործին։ Ան նաեւ Իրաքի Կառավարութեան անունով պատրաստակամութիւն յայտնած է աջակցութիւն ցուցաբերել հայկական ընկերութիւններուն։

Հանդիպման աւարտին նախարարն առաջարկած է իր գլխաւորութեամբ կազմել գործարար պատուիրակութիւն՝ Իրաք այցելելու նպատակով: