Նոյեմբերի 17-ին տեղի կ՛ունենայ «Yerevan Jazz Fest 2021» միջազգային 7-րդ ջազ փառատօնը։ Այս մասին կը յայտնեն Ջազի հայկական ասոցիացիայէն: 

«Yerevan Jazz Fest 2021»-ն այս տարի հանդէս կուգայ նաեւ «Ոսկե ծիրան» միջազգային կինոփառատօնի հետ համագործակցութեամբ: 

Ջազ փառատօնը կը ներկայացուի նաեւ մարզերուն մէջ:

Երեւանի` «Արամ Խաչատրեան» համերգասրահին մէջ, տեղի կ՛ունենայ «Yerevan Jazz Fest 2021»-ի եւ Հայաստանի պետական կամերային նուագախմբի համատեղ միջոցառումը: Առնօ Պապաճանեանի 100-ամեակին նուիրուած համերգի ընթացքին ելոյթ կ՛ունենան Հայաստանի պետական կամերային նուագախմբն ու Վահագն Հայրապետեան ջազ տրիոն: Կը հնչէ Ա. Պապաճանեանի  ստեղծագործութիւնները` Վահագն Հայրապետեանի ջազային մշակմամբ:

Փառատօնը կ՛եզրափակուի Դեկտեմբերի 6-ին, «Արամ Խաչատրեան» համերգասրահին մէջ` աշխարհահռչակ թմբկահար Պիլլի Քոբամի եւ անոր խումբի համերգով։