Ռուսաստանի նախագահ Վլատիմիր Բութինը եւ Ֆրանսիայի նախագահ Էմանուել Մակրոնը երկար հեռախոսազրոյց ունեցած են, կը հաղորդէ Կրեմլի մամուլի ծառայութիւնը։

Ի շարս միջազգային օրակարգի տարբեր հարցերու, նախագահները քննարկած են նաեւ Արցախի հարցը։

«Քննարկուած է Արցախի հակամարտութեան կարգաւորումը։ Ինչպէս նշած Է Վլատիմիր Բութինը, Ռուսաստանը  այսուհետ եւս քայլեր կը ձեռնարկէ, որոնք կը նպաստեն իրադրութեան կայունացմանը եւ ռուսական միջնորդութեամբ ձեռք բերուած եռակողմ պայմանաւորուածութիւններու հետեւողական իրականացմանը»,- հաղորդած է Կրեմլի մամուլի ծառայութիւնը: