Անվտանգութեան խորհուրդի յայտարարութիւնն անտեսած է պետական ​​սահմաններու սահմանազատման վերաբերեալ ԵԱՀԿ ուղեցոյցը, ինչպէս նաեւ ՄԱԿ-ի Մարդու իրաւունքներու գերագոյն հանձնակատարի ուղեցոյցը։ Այս փաստաթուղթերուն մէջ նշուած է մարդու իրաւունքներու պահպանումը որպէս սահմանազատման ցանկացած գործընթացի անփոխարինելի բաղադրիչ:

Կորիս-Կապան եւ Կապան-Ճակատեն ճանապարհներու վերաբերեալ Հայաստանի անվտանգութեան խորհուրդի յայտարարութիւնը կը խախտէ Հայաստանի Սահմանադրութիւնը եւ միջազգային հանրութեան կողմէ ճանաչուած մարդու իրաւունքները։ Այս մասին կ՛ըսուի Հայաստանի մարդու իրաւունքներու պաշտպան Արման Թաթոյեանի յայտարարութեան մէջ։ Անվտանգութեան խորհուրդի յայտարարութիւնը կը վերաբերուի ԽՍՀՄ չճշտուած քարտէսներուն։ Այդ հիմքով կը փաստուի, որ այդ ճանապարհներու հատուածները չեն գտնուիր Հայաստանի Հանրապետութեան տարածքին։ Այնուհետեւ յայտարարութեան մէջ կ՛ըսուի այլ ընտրանքի ճանապարհներու ցանցի ստեղծելու մասին, որն ըստ էութեան, թոյլ  կուտայ ատրպէյճանական կողմին վերահսկել նշուած ճանապարհները։

«Հայաստանի ՄԻՊ-ի համոզմամբ՝ այս յայտարարութիւնն ամբողջութեամբ անտեսած է մարդու իրաւունքները, ինչպէս նաեւ կոպտօրէն ոտնահարած է Հայաստանի բնակչութեան կենսական իրաւունքները՝ երաշխաւորուած Սահմանադրութեամբ եւ միջազգային իրաւունքով ճանաչուած»,- կ՛ըսուի յայտարարութեան մէջ։ Այստեղ Թաթոյեանը կը վկայակոչէ Սահմանադրութեան 2-րդ յօդուածը, որտեղ նշուած է, որ քաղաքացիներու հիմնարար իրաւունքներն ու ազատութիւնները յարգելն ու պաշտպանելը պետական ​​իշխանութեան պարտականութիւնն են։ 191-րդ յօդուածի 1-ին մասը նշուած է, որ Հայաստանի օմբուդսմենը կը վերահսկէ պետական ​​եւ ՏԻՄ իշխանութիւններու կողմից մարդու իրաւունքներու եւ ազատութիւններու պահպանումը, կը նպաստէ այդ իրաւունքներու վերականգնմանը։ 

Անվտանգութեան խորհուրդի յայտարարութիւնը նաեւ անտեսած է 2017 թուականի Դեկտեմբերի 19-ի ԵԱՀԿ պաշտօնական ուղեցոյցը պետական ​​սահմաններու սահմանազատման վերաբերեալ, ինչպէս նաեւ ՄԱԿ-ի Մարդու իրաւունքներու գերագոյն յանձնակատարի կողմէ սահմանազատման ուղեցոյցը: Այս փաստաթուղթերուն մէջ արձանագրուած է մարդու իրաւունքներու պահպանումը որպէս սահմանազատման ցանկացած գործընթացի անփոխարինելի բաղադրիչ, հաւելեց Թաթոյեանը։

Հայաստանի Մարդու իրաւունքներու պաշտպանի գրասենեակը պատերազմի սկիզբէն առ այսօր, այդ թիւին՝ Կորիս-Կապան եւ Կապան-Ճակատեն ճանապարհներու հատուածներուն մէջ ատրպէյճանական մաքսային եւ հսկիչ կէտերու տեղադրման առնչութեամբ, մոնիթորինկի, ինչպէս նաեւ բնակչութեան բողոքներու ուսումնասիրման հիման վրայ փաստեր հաւաքագրած է, բնակչութեան անվտանգութեան եւ ազատ տեղաշարժի իրաւունքի, ֆիզիկական եւ հոգեբանական անձեռնմխելիութեան, գոյքային եւ տնտեսական գործունէութեան, երեխաներու իրաւունքներու խախտման վերաբերեալ, կ՛ըսուի յայտարարութեան մէջ։

Նշած են նաեւ ճանապարհի կամայական փակման աւելի վաղ փաստեր, այդ թիւին Օգոստոսի 25-27-ը, ինչպէս նաեւ զէնքով սպառնալիքներ հայկական մեքենաներու հասցէին, վախցնելու նպատակով երեխաներու հետ ավտոբուս կանգնեցնելը, Հայաստանի մԷջ գտնուող Իրանի օրինական քաղաքացիներէն անօրինական վճարումներ գանձելը եւ այլն։

Ինչ կը վերաբերուի Կապան-Ճակատեն ճանապարհին, ատրպէյճանական դիրքի տեղադրուելէն ետք Կապանի վեց գիւղեր բախուած են մարդասիրական բարդ խնդիրներու՝ Ճակատեն, Շիկահող, Սրաշեն, Ծավ, Ներքին Հանդ եւ Շիշկերտ։ Այս ճանապարհի տարբեր հատուածներուն մէջ ատրպէյճանցի զինուած զինծառայողներու առկայութիւնը կը սահմանափակէ քաղաքացիներու ազատ տեղաշարժը, արձանագրուած են զէնքով եւ դիմակներով ճանապարհ դուրս գալու դէպքեր, այդ թիւին՝ Նոյեմբերի 14-ին։ «Այլընտրանքային ճանապարհներու կառուցումը չի վերացնէր սահմանամերձ գիւղերու բնակիչներու անվտանգութեան խնդիրները, Կորիս-Կապան եւ Կապան-Ճակատեն ճանապարհներուն կը գտնուին ատրպէյճանական ծառայութիւններու ներկայացուցիչներ, ովքեր պատերազմի ժամանակ սպաննած են մեր զինուորականներուն եւ խաղաղ բնակիչներուն, չեն պատժուած. անոր համար»,- կ՛ըսուի յայտարարութեան մէջ։

Հայաստանի իշխանութիւնները պարտաւոր են հաշուի առնել վերը նշուածը, հրապարակային յայտարարութիւններ ընելէ առաջ, ամփոփած է ՄԻՊ-ը։