Ատրպէյճանցիները աւիրած են Ասկերանի շրջանի Սղնախ եւ Հին Թաղեր գիւղերու գերեզմանատուները։ Այս մասին յայտնած է Յունաստանի մէջ Հայաստանի դեսպան Տիգրան Մկրտչեանը։

«Շատերուն կը հետաքրքրէր, թէ ինչո՞ւ Նոյեմբերի 9-էն ետք որոշ հայ ընտանիքներ գերեզմանները փորեցին՝ իրենց սիրելիներու մասունքները Ատրպէյճանի վերահսկողութեան տակ գտնուող շրջաններէն տեղափոխելու համար։ Պաքուն իր գործողութիւններով ցոյց տուաւ, թէ ինչու։ Եւ այս բարբարոսութիւն է, որը կը շարունակուի …»,- գրած է դեսպանը Twitter-ի վրայ։ 

Աւելի վաղ յայտնի դարձած էր, որ ատրպէյճանցիները Մեխակավանի  մէջ (Ջապրայիլ) աւիրած են Զօրաւոր Սուրբ Աստուածածին հայկական եկեղեցին։ Ինչպէս հաղորդած է ԵՈՒՆԵՍԿՕ-ի Հայաստանի ազգային յանձնաժողովը, հայկական եկեղեցին ամբողջութեամբ աւիրուած է, երբ անցած է ատրպէյճանցիներու վերահսկողութեան տակ։ Այս նոյն եկեղեցին ենթարկուած է վանտալիզմի վերջին ռազմական ագրեսիայի ժամանակ։ Մարտի սկիզբը յայտնի դարձաւ, որ ատրպէյճանցիները մասնակի աւիրած են Շուշիի Կանաչ ժամ եկեղեցին եւ քանդած են Յովհաննէս Թեւոսեանի յուշարձանը։ Բացի այդ, պատերազմի ժամանակ երկու անգամ գնդակոծուեր է Շուշիի Ղազանչեցոց տաճարը։ Աւելի ուշ ատրպէյճանցիները տաճարը վերականգնելու պատրուակով այնտեղէն հանած են զանգերը։

Արեւմտեան Հայաստանը,  թուրքերուն եւ ազերիներուն բնորոշ այս եւ նման տեսակ բարբարոսութիւնները մէկ անգամ եւս խիստօրէն կը դատապարտէ եւ կը  յիշեցնէ, որ թուրքական պետութիւնը նոյն ձեւ վարուած է Արեւմտեան Հայաստանի պատմա-մշակութային ժառանգութեան հետ։