Միացեալ Նահանգներու Կոնգրեսի Ներկայացուցիչներու պալատի հետախուզութեան հարցերով յանձնաժողովի նախագահ Ատամ Շիֆը եւ ԱՄՆ Ներկայացուցիչներու պալատի անդամ, Կոնգրեսի հայկական հարցերով յանձնախումբի համանախագահ Ֆրանկ Փալոնը  իրենց մտահոգութիւնը յայտնելով Ատրպէյճանի ագրեսիայով պայմանաւորուած Հայաստանի դէմ բռնութիւններու աճի առնչութեամբ, խիստօրէն դատապարտած են Ատրպէյճանին։ 

Շիֆը կոչ ուղղած է ԱՄՆ պետդեպարտամենտին անհապաղ գործի անցնիլ՝ օգտագործելու դիւանագիտական իւրաքանչիւր խողովակ ու հնարաւոր լծակ՝ կանխելու եւս մէկ զանգուածային հումանիտար աղետ ու ցոյց տալու ԱՄՆ անսասան աջակցութիւնը հայ ժողովուրդին ու անոր ինքնիշխանութեանը: Ֆրանկ Փալոնի խօսքով՝ «Ատրպէյճանի կողմէ հայկական հողի վրայ բռնութեան սրումն անընդունելի է: Հայաստանի դէմ մահացու բռնութիւններերու այս աճը կը շարունակուի, քանի դեռ ԱՄՆ պետքարտուղարութիւնը եւ միջազգային հանրութիւնը չեն ձեռնարկած անհապաղ եւ վճռական դիւանագիտական գործողութիւններ: Այս միջազգային իրաւունքի նպատակաուղղուած խախտում է, որն աւելի կը քաջալերէ Ալիեւին, եթէ ան չի դադրի»։