ՀՀ մարդու իրաւունքներու պաշտպան Արման Թաթոյեանը հանդիպած է ԻՒՆԻՍԵՖ-ի հայաստանեան գրասենեակի ղեկավար Քրիսթինէ Վայգանդի հետ։ Արման Թաթոյեանը բարձր գնահատած է երեխաներու իրաւունքներու պաշտպանութեան ոլորտին ԻՒՆԻՍԵՖ-ի հետ աշխուժ համագործակցութիւնը: Հանդիպման ընթացքին քննարկած են սահմանամերձ եւ վերջին պատերազմի հետեւանքով սահմանամերձ դարձած համայնքներուն մէջ երեխաներու իրաւունքներու պաշտպանութեան վիճակը, յատկապէս՝ կրթութեան իրաւունքի իրացմանն առնչուող խնդիրները։

Արման Թաթոյեանը ներկայացուցած է երեխաներու իրաւունքներու խախտումները, մասնաւորապէս՝ կրթութեան իրաւունքի խախտումը։ Ան նշած է, որ որոշ հատուածներուն մէջ ատրպէյճանական զինուած ծառայողները տեղակայուած են դպրոցներու անմիջական հարեւանութեամբ, որը բացարձակ անընդունելի վիճակ է եւ կը հակասէ երեխաներու իրաւունքներու պաշտպանութեան միջազգային պահանջներուն։

Հանդիպման ընթացքին կարեւորած է երկու հաստատութիւններու միջեւ յետագայ համագործակցութիւնը՝ երեխաներու իրաւունքներու պաշտպանութեան ոլորտին։