Իրանագետ Ժաննա Վարդանեանը Sputnik Արմենիայի եթերին անդրադարձած է Հայաստանի եւ Ատրպէյճանի միջեւ սահմանային լարուածութեան առիթով Իրանի նախագահ Իպրահիմ Ռաիսիի յայտարարութեան։

Անոր կարծիքով՝ սահմանային վերջին սրացումներու առիթով Իրանը կը շարունակէ առաջ տանիլ իր դիրքորոշումը, որուն համաձայն` վճռականօրէն դէմ է տարածաշրջանի երկիրներու սահմաններու փոփոխութեան։

«Իրանը բազմաթիւ անգամ յայտարարած է, որ իր համար կարմիր գիծ է տարածաշրջանի երկիրներու, մասնաւորապէս՝ Հայաստանի սահմաններու անփոփոխելիութիւնը։ Այդ մասին Իրանն յայտարարեց վերջին ամիսներուն, երբ բաւական լարուեցաւ իրանա–ատրպէյճանական յարաբերութիւնները»,– նշեց իրանագետը։ 

Վարդանեանի խօսքով` Զանգեզուրի միջանցք կոչուած  ստեղծելու ծրագիրը կը հակաս1 Իրանի կենսական շահերուն մի քանի առումով։ Հայաստանի հետ սահմանի վերացումը Թեհրանի համար իրական սպառնալիք է, որովհետեւ այդ պարագային Իրանի տարանցիկ նշանակութիւնը կը նուազի եւ այդ երկիրը կը կորսցնէ Ատրպէյճանի վրայ ունեցած ազդեցութեան լծակները, առաւել եւս, որ ինքը  կ՛ապահովէ կապը Ատրպէյճանի ու Նախիջեւանի միջեւ։

Leave a Reply