Սուրբ Աթոռի պաշտօնական լրատուականը՝ «Վատիկան Նիւզ»-ը, տպագրած է յօդուած՝ անդրադառնալով Հայաստանի արեւելեան սահմանին ատրպէյճանական կողմէ Նոյեմբերի 14-16-ի ընթացքին իրականացուած ագրեսիվ գործողութիւններուն:

Յօդուածի «Արուեստի ու մշակոյթի ժառանգութիւն» բաժինին մէջ նշուած է, որ նախորդ տարուայ զինադադարէն ետք հազարաւոր տեղահանուածներու ապագայի հանդէպ խորը մտահոգութեանը զուգահեռ միջազգային հանրութեան կողմէ դրսեւորուած էր տարածաշրջանի հոգեւոր մշակութային ժառանգութեան նկատմամբ մեծ ուշադրութիւն։

«Այն այսօր կը համարուի կենտրոնական խնդիր։ Արցախի հոգեւոր ու մշակութային ժառանգութեան պաշտպանութեան հստակ ուղերձները սկիզբ առին դեռեւս մէկ տարի առաջ։ Մեր մտահոգութիւնները մեծապէս աւելցան Հոկտեմբերին Շուշիի Ղազանչեցոց տաճարի կրկնակի ռմբակոծման, ու յատկապէս, սրբապղծման դէպքերու մասին ստացուած բազմաթիւ զեկոյցներու արդիւնքին։ Իրականութեան խօսքը կ՛ուղուի Արցախի մոտ չորս հազար պատմական, կրոնական ու մշակութային յուշարձաններու մասին, որոնք այժմ Ատրպէյճանի հսկողութեան ներքոյ են, ու անոնցմէ իւրաքանչիւրը հզօր հոգեւոր ու մշակութային ժառանգութիւն կը համարուի, անոնց անհետացումը կը նշանակէ անդառնալի կորուստ մարդկութեան համար»,- նշուած է յօդուածին մէջ:

Leave a Reply