Ռուս քաղաքական գործիչ Ալեքսանդր Շերինը ռուսական «Առաջին ալիք»-ի եթերին խօսելով ռուս-թուրքական յարաբերութիւններու մասին, մասնաւորապէս ըսած է․ «Թուրքիոյ կողմէ Ռուսաստանի մասին հնչող խօսքերը կեղծ են եւ միայն բառեր են: Կը կարծեմ մենք նոյնպէս պէտք է անցնինք այդ ձեւաչափին եւ սկսինք խօսիլ, մեր կարծիքը յայտնելով Կիպրոսի մասին։ Ռուսաստանը վերջապէս պէտք է խօսի Արցախի Հայ-ատրպէյճանական հակամարտnւթեան մասին, երբ ՆԱՏՕ-ի անդամ Թուրքիան վերջին պատերազմին շատ հստակ կը պաշտպանէր Ատրպէյճանին՝ ընդդէմ մեր ՀԱՊԿ դաշնակիցի: Պէտք է ուղիղ ըսել, որ բոլոր պատերազմներnւն, Թուրքիան երբեք չէ եղած Ռուսաստանի դաշնակիցը, ընդհակառակը, Թուրքիան իր ողջ պատմութեան ընթացքին միշտ դէմ եղած է, թէ՛ Սովետական Միութեան  թէ՛ Ռուսական Կայսրութեանը:

Իսկ Ռուսաստանը միշտ այնպէս  կատարած է, որ Թուրքիան գոհ մնայ մեզմէ: Եւ նոյնիսկ հիմայ, երբ մենք այնտեղ կը կառուցենք ատոմակայն, անհասկանալի է, թէ ինչո՞ւ կը հզօրացնենք Թուրքիայի էներգետիկան, մեր Ս-400 ՀՕՊ համալիրները, գազը, եւ շատ այլ բաներ կուտանք անոնց աժան գինով:

Ժամանակն է յիշեցնել Թուրքիային, թէ ինչպես պոլշեւիկները հայերու պատմական հողերը նուիրեցին իրենց եւ որ սուրբ Արարատ լեռը դեռ կը գտնուի իրենց տարածքին։ Այս ամենի մասին մենք միշտ լռած ենք, եւ եթէ Թուրքիան կը խօսի հակառակ մեր շահերուն, ուրեմն ժամանակն է, որ այս ամենի մասին Ռուսաստանը սկսի խօսիլ»:

Leave a Reply