Ինչպէս յայտարարած են ՀՀ արտաքին գործերու նախարարութեան մէջ, Ատրպէյճանի՝ Շուշին «ԵՈՒՆԵՍԿՕ-ի ստեղծագործական քաղաքներու ցանցին» ընդգրկելու վերաբերեալ յայտարարութիւնները հերթական սադրանքն են:

Աւելի վաղ յայտնի դարձած է, որ Ատրպէյճանի մշակոյթի նախարարութիւնը մտադիր է ԵՈՒՆԵՍԿՕ-ի քարտուղարութեանը փաստաթուղթեր ներկայացնել՝ Շուշին «ԵՈՒՆԵՍԿՕ-ի տեղծագործական քաղաքներու ցանցին» ընդգրկելու համար։ ԱԳՆ-ի մէջ յայտարարած են, որ այս պահին Ատրպէյճանի կողմէ նման հարցին ուղարկելու մասին տեղեկատուութիւն չկայ: 

Ինչ կը վերաբերուի ատրպէյճանական լրատուամիջոցներու հրապարակումներուն եւ պաշտօնեաներու յայտարարութիւններուն, ապա Պաքուն միշտ կը քաղաքականացնէ մշակութային ծրագրերը ԵՈՒՆԵՍԿՕ-ի շրջանակներուն, կը հանդիսանայ տարբեր սադրիչ նախաձեռնութիւններով:  «Բացառութիւն չէ նաեւ Շուշին «ԵՈՒՆԵՍԿՕ-ի ստեղծագործական քաղաքներու ցանցին» ընդգրելու յայտի վերաբերեալ յայտարարութիւնը»,-կ՛ըսուի պարզաբանման մէջ։ 

Այս առումով աշխատանքներ կը կատարուին, մասնաւորապէս, ԵՈՒՆԵՍԿՕ-ի հետ՝ հայկական պատմամշակութային ժառանգութեան էութեան ոչնչացումն ու խեղաթիւրումը կանխելու համար։