Արեւմտեան Հայաստանի Տերսիմ նահանգի Էրգեն գիւղին մէջ գտնուող Էրգանի եկեղեցին  գիւղի վերջին հայ բնակիչի մահէն ետք անուշադրութեան մատնուելով, վերածուած է աւերակի։ 

Պատերուն վրայ արձանագրութենէն դատելով՝  եկեղեցին 975 թուականին կառուցած է իշխան Մխիթարը՝ ի յիշատակ Մարիամ Աստուածածնի։

Ամբողջութեամբ սրբատաշ քարերով կառուցուած եկեղեցւոյ ներքին շինութեան մէջ յայտնաբերուած քարերը մշակուեր են փորագրման տեխնիկայով։ Հայկական եկեղեցիներու մեծ մասի անբաժան մաս կազմող խաչքարերը նոյնպէս փորագրուած են այս եկեղեցւոյ քարերուն։

1915 թուականին հայերու դէմ իրականացուած ցեղասպանութեան ժամանակ եկեղեցւոյ վերջին քահանային այրած են նոյն եկեղեցիին մէջ։ Ետքը եկեղեցին մատնուած է անտերութեան, եւ սկսած է փլիլ սկիզբը տանիքը, այնուհետեւ՝ պատերը։ Եկեղեցւոյ փլուզմանը նպաստած են նաեւ գանձագողերը։

Leave a Reply