Հանդիպումը տեղի կ՛ունենայ Ռուսաստանի նախագահի նախաձեռնութեամբ։

Նախատեսուած է, որ երեք երկիրներու ղեկավարները կը քննարկեն 2020 թուականի Նոյեմբերի 9-ին եւ 2021 թուականի Հունուարի 11-ին ձեռք բերուած պայմանաւորուածութիւններու կատարման ընթացքը եւ ուրուագծած են տարածաշրջանին կայունութեան ամրապնդման եւ խաղաղ կեանքի հաստատման համար ձեռնարկուելիք քայլերը։

Նշուած է նաեւ, որ յատուկ ուշադրութիւն կը դառձնեն առեւտրային, տնտեսական եւ փոխադրամիջոցի կապերու զարգացմանը։

Անցած շաբաթ յայտարարուած է, որ Փաշինեանը եւ Ալիեւը պայմանաւորուած են հանդիպելու Դեկտեմբերի 15-ին Պրիւսելի մէջ։ Այս նորութենէն ետք մամուլի մէջ տարածուած է լուրեր, որ Ռուսաստանը կը փորձէ գագաթնաժողով կազմակերպել Պրիւսելի հանդիպումէն առաջ։

Արցախեան երկրորդ պատերազմէն ետք Ռուսաստանի նախաձեռնութեամբ Ատրպէյճանի եւ Հայաստանի Հանրապետութեան միջեւ կնքուեցաւ զինադադար, սակայն չլուծուած բազմաթիւ հարցեր կը շարունակեն լարուածութիւն առաջացնել։

Leave a Reply