Ֆրանսիայի Սենատի նախագահ Ժերար Լարշեն Փարիզի մէջ ընդունած է Հայաստանի պատուիրակութեանը ‘ Ազգային ժողովի նախագահ Ալեն Սիմոնեանի գլխաւորութեամբ, կը հաղորդէ ՀՀ ԱԺ հասարակայնութեան եւ տեղեկատուութեան միջոցներու հետ կապերու վարչութիւնը: Ան տեղեկացուց, որ հանդիպման ընթացքին կողմերը քննարկած են Գեղարքունիքի մարզի Նորաբակ գիւղի մերձակայքին ատրպէյճանական զինուժի կողմէ հանդիպումէն քանի ժամ առաջ հայկական մարտական հենակէտերու գնդակոծումը, որու հետեւանքով զոհուած է հայ զինծառայող։ Կողմերը Ատրպէյճանի ագրեսիվ գործողութիւնները որակած են որպէս ոտնձգութիւն ժողովրդավարութեան նկատմամբ։

Ֆրանսիայի Սենատի նախագահը նշած է, որ իրենք ուշադրութեամբ կը հետեւին Հայաստանի մէջ տիրող իրավիճակին եւ քաջատեղեակ են ետպատերազմեան զարգացումներուն։ Հայկական կողմն իր հերթին բարձր գնահատած է Ֆրանսիայի խորհրդարանի երկու պալատներու կողմէ ընդունուած բանաձեւերը, որոնք կը դատապարտեն ատրպէյճանա-թուրքական ագրեսիան Արցախի դէմ։ 

Կողմերը կարեւորած են Արցախի  հակամարտութեան խաղաղ կարգաւորումը՝ ԵԱՀԿ Մինսքի խումբի համանախագահութեան եւ մանդատի ներքոյ։ Հանդիպման ընթացքին կողմերը քննարկած են նաեւ ետպատերազմեան հումանիտար խնդիրներու հրատապ լուծումը, այդ թիւին՝ Ատրպէյճանի մէջ պահուող բոլոր հայ ռազմագերիներու եւ քաղաքացիական պատանդներու վերադարձը։

Հանդիպումէն ետք Հայաստանի Ազգային ժողովի եւ Ֆրանսիայի Սենատի միջեւ ստորագրուած է համաձայնագիր , որը նախատեսուած է բազմաբեւեռ համագործակցութիւն օրենսդիր մարմիններու միջեւ՝ հանուն երկու երկիրներու բարեկամութեան եւ համերաշխութեան։

Leave a Reply