Թուրքական սոցիալական ցանցերուն մէջ սկսած է քննարկուիլ գնաճի, թանկացումներու եւ արտահերթ ընտրութիւններու հարցերը։ Գնաճի վերլուծութեան խումբի կողմէ պատրաստուած հաշուետուութեան համաձայն՝ Թուրքիոյ մէջ սպառողական գիներու ցուցակը (ՍԳԻ) 12 ամսուայ ընթացքին աճած է 49,87%-ով։ Ջոն Հոփքինսի համալսարանի տնտեսագիտութեան պրոֆեսոր Սթիվ Հանկեն յայտարարած է, որ գնաճի մակարդակը Թուրքիոյ մէջ կը գնահատէ 58,75%։ Հանկեն իր գրառման մէջ գրած է հետեւեալը.

«Կենտրոնական բանկը յայտնած է, որ Հոկտեմբերին Թուրքիոյ մէջ գնաճի պաշտօնական մակարդակը կազմած է 19,89%։ Այս թիւրը չեն համապատասխանիր իրականութեան: Իրականութեամ Թուրքիոյ մէջ գնաճը կազմած է 58,75%»։

Նիստի ժամանակ այս իրավիճակը վերլուծելէ ետք ընդդիմադիր կուսակցութիւնները («Ազգային դաշինք») յայտարարութիւն տարածած են, որ երկրի մէջ պէտք է շուտափոյթ արտահերթ ընտրութիւններ կատարուին։ Հանդիպելէ ետք իր ելոյթի ընթացքին հանրապետական Ժողովրդական ​​կուսակցութեան (ՀԺԿ) նախագահ Քեմալ Քըլըչդարօղլուն ըսած է.

«Թուրքական լիրան ռեկորդային անկում ապրած է, սակայն լուծում առաջարկող մարմին չկայ։ Կենտրոնական բանկը դադարած է կատարել իր գործառոյթը, երբ նորմալ իրավիճակին պէտք է զբաղուի գիներու կայունացմամբ, հիմա դարձած է մէկ ինստիտուտ, որը որպէս դիտորդ կը հետեւի  թուրքական լիրայի արժեզրկմանը եւ արտարժոյթի արժեւորումանը»։

Թուրքական սոցիալական ցանցերուն մէջ սկսած է քննարկուիլ գնաճի, թանկացումներու, արտահերթ ընտրութիւններու հարցերը։

Մերսինի պատգամաւոր Ալի Մահիր Բաշարըրը գնաճի վերլուծութեան խումբի (ENAG) զեկոյցը մեկնաբանած է այսպէս. «Ըստ գնաճի վերլուծութեան խումբի՝ Հոկտեմբերին սպառողական գիներու ցուցակը (CPI) աճած է 6,90%-ով։ ՍԳԻ-ի աճի տեմպը վերջին 12 ամիսներու ընթացքին կազմած է 49,87%: Քաղաքացիները գիտեն գնաճի իրական թիւերու մասին. շուկայի եւ խանութներու մէջ չեկերը համապատասխան են։ Թող Թուրքիայի վիճակագրական ինստիտուտը (TÜİK) շարունակէ ֆանտազիաներ վաճառել»:

Սթիվ Հանկեն յայտնած է հետեւեալ տեղեկատուութիւնը.

«Թուրքիոյ Հանրապետութեան կենտրոնական բանկը Հոկտեմբերին Թուրքիայի մէջ պաշտօնական գնաճը տարեկան 19,89 տոկոս յայտնած է։ Այս ցուցանիշը բացարձակապէս ՍԽԱԼ է: Օգտագործելով բարձր հաճախականութեան տուեալները եւ Պետական Մասնաւոր Գործընկերութեան սկզբունքները՝ ես Թուրքիոյ մէջ գնաճը կը գնահատեմ տարեկան 58,75%։ Այդ աւելի շուտ ամեն օրուայ անազնիւութիւն է նախագահ Էրդողանի եւ Թուրքիայի Հանրապետութեան կենտրոնական բանկի կողմէ»:

Տնտեսագետ Թաներ Ունալը հրապարակած է հետեւեալ մեկնաբանութիւնները.

«Իմ սիրելի ընկերներ, այս գրելու պահին դոլարը մոտ 11.30 էր, եւ իրավիճակը անորոշ: Դոլարը կը բարձրանայ տոկոսադրոյքները՝ կը նուազի. Իրական գնաճը կը տատանուի 60%-ի շուրջ, սակայն գնաճի ընկալումները կը շարունակեն մնալ 20%-ի սահմանները: Կառավարութեան խօսնակները եւ կառավարութեան կողմնակիցները յայտարարած են, որ թուրքական լիրայի արժեզրկման հետ միասին արտահանումը կաճի եւ աւելցուկ կ՛առաջանայ: Այս տրամաբանական ճիշդ է։ Սակայն մեր երկիրն այլեւս արտադրելու բան չունի, անոր ազգային տնտեսութիւնը փլուզուած է, կ՛ապրի ներմուծմամբ»։

Պաշտօնաթող պետական ​​ծառայող Մեթին Թոփչուն հրապարակած է է հետեւեալ պատասխանը.«Ինչպիսի մտածելակերպ կը կառավարէ մեր երկիրը!!! Նոյնիսկ թուրքական վիճակագրական ինստիտուտի (TÜİK) կողմէ արձանագրուած գնաճի ոչ համոզիչ ցուցանիշը շատ բարձր է։ Իրական գնաճը կը կազմէ առնուազն 40%»: