Արցախի 44-օրեայ պատերազմի հետեւանքով ատրպէյճանական վերահսկողութեան տակ անցած Վարանդայի մէջ (Ֆիզուլի) ատրպէյճանցի զինծառայողներ վիրանորուած են։ Sputnik Արմենիայի փոխանցմամբ, այս մասին յայտնած է Sputnik Ատրպէյճանը` հղում կատարելով Ատրպէյճանի ՆԳՆ-ին, դէպքը տեղի ունեցած է տոիեալ տարածքին մէջ ծառայութիւն իրականացնելու ժամանակ։

Ականի պայթիւնի հետեւանքով երկու զինծառայող տեղափոխուած են հիւանդանոց։  Նշենք, որ պատերազմէն ետք Լեռնային Արցախի՝ Ատրպէյճանի վերահսկողութեան տակ անցած տարածքներուն մէջ նման դէպքեր հաճախ տեղի կ՛ունենան։ Առաջին դէպքը տեղի ունեցած էր 2020–ի Դեկտեմբերի 14-ին Աղդամի մէջ, երբ ականի պայթիւնէն  մահացած էր մէկ ատրպէյճանցի, եւս երկու վիրաւոր։