ԱՀ Մարտունի շրջանի Քարահունջ համայնքը 107 բնակիչ ունի: 

Այս մասին «Արցախփրէս»-ի թղթակիցի հետ զրոյցի ժամանակ ըսած է Քարահունջ համայնքի ղեկավար Արսեն Ղահրամանեանը:

«44-օրեայ պատերազմէն ետք մեր գիւղին մէջ Բերձորէն 1 ընտանիք հաստատուած է: Վերջերս այդ ընտանիքը Կարմիր խաչի Արցախի գրասենեակի կողմէ աջակցութիւն ստացած է: Ազատ բնակֆոնդին մէջ 4 տուն ունինք, որոնք վերանորոգուելէ ետք սիրով կը տրամադրենք տեղահանուած մեր հայրենակիցներուն: Դպրոցի շէնքը վերանորոգուելու կարիք ունի, այստեղ կը հաճախէ 12 աշակերտ: Մանկապարտեզ չունինք: Քարահունջը գազաֆիկացուած է, ապահոված է էլեկտրաէներգիայով եւ ջրամատակարարմամբ. ոռոգման ջուրի խնդիր կայ գիւղին մէջ»,- ներկայացուցած է համայնքի ղեկավարը:

Անդրադառնալով յետպատերազմական շրջանին գիւղացիներու զբաղուածութեանը՝ Ա. Ղահրամանեանն ըսած է, որ գիւղի սեփական եւ վարձակալած վարելահողերու 70%-ը անցած է թշնամիի տիրապետութեան տակ, սակայն գիւղացիները չեն ընկճուիր, կը շարունակեն արարել իրենց հայրենիքին մէջ։ Անոնք հիմնականը անասնապահութեամբ ու հողագործութեամբ կը զբաղուին։