Բռնազաւթուած Արեւմտեան Հայաստանի մէջ լոյս տեսած «Ենի» Օզգիւր Պոլիտիկա թերթի լրագրող Նուպար Օզանեանը հրատարակած է ծաւալուն յօդուած, որտեղ անդրադարձած է հայ ազգի ազատագրական պայքարներուն իրենց հայրենասիրութեամբ ու հերոսութեամբ առանձնացած եւ պատմութեան մէջ հետք ձգած այնպիսի հերոսներու, ինչպիսին են Աղբիւր Սերոբը, Անդրանիկ Օզանեանը, Գեւորգ Չաւուշը, Սոսէ մայրիկը եւ Արցախեան պատերազմին անմ ահացած Լեոնիտ Ազգալդեանն ու Մոնթէ Մելքոնեանը։

Չառանձնացնելով իրարմէ, լրագրողը յատուկ հիացմունքով շեշտած է անոնց բոլորին միաւորող այն մեծ հայկական հոգին, որուն յաղթելը կամ ծունկի բերելն անհնար է եւ որն բնորոշ է միայն իսկական հայ քաջորդիներուն։

Իր յօդուածի վերջը հեղինակը աւելցուցած է Լեոնիտ Ազգալդեանի հետեւեալ խօսքերը․ «Ես կը մեռնեմ Ստամբուլի պատերի տակ» եւ աւելցուցած է․ «Հարիւր տարի ետք հայոց ազատամարտն այժմ կը շարունակեն Ռոժավայի ՝՝Նահատակ Նուպար Օզանեան՝՝ գումարտակի անդամները, ովքեր համեստ, բայց նոյնքան հաստատակամ հետեւորդներն են»։