Գեղարքունիքի մարզի Ներքին Գետաշեն գիւղի «Դեմեր» դամբարանաշտի պեղումներէն յայտնաբերուած խեցեղենը, զէնքը, պերճանքի առարկաները եւ այլ նիւթեր յանձնուած են «Պատմամշակութային արգելոց-թանգարաններու եւ պատմական միջավայրի պահպանութեան ծառայութիւն» ՊՈԱԿ-ին։

Հնագիտական արշավախումբի ղեկավար Աշոտ Փիլիպոսեանի խօսքով՝ պեղումներն  իրականացուեր են 40-էն աւելի դամբարանի մէջ։ Հնագետի փոխանցմամբ՝ դամբարանները տարբեր ժամանակաշրջաններով թուագրուած են՝ միջին բրոնզի վաղ շրջանէն մինչեւ երկաթի լայն տարածուելու դարաշրջան։ Այսինքն՝ շուրջ  1500 տարի դամբարանադաշտը պարբերաբար օգտագործուած է։ 

Հնագետը նշած է, որ մ․թ․ա․ երրորդ հազարամեակէն սկսած Հայկական լեռնաշխարհը միշտ եղած է խիտ բնակեցուած եւ պեղուած․ Նիւթը ցոյց տուած է, որ Սեւանի աւազանը, Արարատեան դաշտավայրը, Բարձր Հայքը, Վանի աւազանը պատմամշակութային մէկ ընդհանրութեան մաս կը կազմեն։