Գերմանիայի մէջ առաջին անգամ ԴԱԻՇ-ի անդամը ցմահ ազատազրկման դատապարտուած է եզտիներու նկատմամբ ցեղասպանութիւն իրագործելու համար։ Եզտի լրագրող Տուզեն Թեքկալը, ով սկիզբէն հետեւած  է գործին, ըսած է. «Այս դատը կ՛ապացուցէ, որ ցեղասպան մարդը չի կարող գտնուիլ ազատութեան մէջ»։

Ֆրանկֆուրտի նահանգային գերագոյն դատարանը ԴԱԻՇ-ի անդամ Ալ-Ջումայլիին դատապարտած է ցմահ ազատազրկման՝ «ցեղասպանութեան» եւ «մարդկութեան դէմ յանցագործութիւններու» համար։

Իրաքի քաղաքացի Թահա Ալ-Ջումայլին ԴԱԻՇ-ի առաջին անդամն է, ով Գերմանիայի մէջ դատուած է եզտիներու դէմ ցեղասպանութեան մեղադրանքով։

Յիշեցնենք, որ 2014 թուականի Օգոստոսի 3-ին Շենգալի վրայ գրոհած ԴԱԻՇ-ը կոտորած է հազարաւոր եզտիներու, հազարաւորներու՝ առեւանգած։ 

Առեւանգուած մոտ 3000 եզտիներու ճակատագիրն առայժմ անյայտ է։ Եզտիներու դէմ ցեղասպանութիւնը դեռ չէ ճանչցուած ՄԱԿ-ի Անվտանգութեան խորհուրդի կամ միջազգային դատարանի կողմէ։