Աշխարհը պէտք է իմանայ Հայկական լեռնաշխարհի քաղաքային հնագոյն բնակավայրերէն մէկի` Շենգավիթի մասին։ 

Հայ հնագետները նոր վկայութիւններ յայտնաբերած են այն մասին, որ Երեւանի ներկայիս Շենգավիթ վարչական շրջանի տարածքին մէջ 5000 տարի առաջ հնագոյն բնակավայր գոյութիւն ունեցած է։

«Քաղաքն առաջացած է վաղ պրոնզի դարաշրջանին, այն ժամանակ քաղաքն արդեն խիտ բնակեցուած էր եւ կառուցապատուած»,– պարզաբանած է հնագիտական արշաւախումբի ղեկավար, արուեստագիտութեան դոկտոր, պրոֆեսոր Յակոբ Սիմոնեանը եւ շարունակած է․ «Վաղ պրոնզի դարին քաղաքային մշակոյթն այստեղ կ՛ապրէր։ Բերդապարիսպը, մոնումենտալ ճարտարապետութիւնը, արհեստաւորներու թաղամասերը անհաւանական թիւով գործիքները կը վկայեն զարգացած տնտեսութեան եւ առեւտուրի մասին։ 

Այս օրերուն մեր կողմէ աւարտին հասցուած արշաւի նպատակը Շենգավիթի ֆենոմենն ապացուցելն է։ Պաշտամունքային շինութիւնները կը վկայեն այն մասին, որ այստեղ ամուր կրոնական հայացքներ եւ պաշտպանութեան կատարեալ համակարգ եղած է»։