Երեւանի պատմութեան թանգարանին մէջ կը բացուի «Արծաթի եւ զարդանախշերու սիմֆոնիա» խորագիրով ցուցադրութիւնը: 

Երեւան քաղաքի պատմութեան թանգարանին մէջ 90 տարիներու ընթացքին հաւաքուած  եւ պահպանուած են հայ արծաթագործ վարպետներու գործերը, որոնք այսօր կը հիացնեն իրենց նրբութեամբ ու կատարելութեամբ:

Երեւանի քաղաքապետարանի մշակոյթի վարչութենէն յայտնած են, որ ցուցահանդէսին ներկայացուած արծաթէ առարկաներուն մէջ առանձնացած են 19-20-րդ դարերով թուագրուող գոտիները, որոնց նախշազարդերը բարձրարուեստ կատարումներէն բացի, հայերու ինքնութեան արտայայտելու  իւրօրինակ վավերագրերն են:

Անոնք պատրաստուած են տեխնիկական տարբեր եղանակներով: Գոտիներու մէկ մասը կը կրէ արծաթագործ վարպետի կնիքը:

Հաւաքածուներու մէջ բազմաքանակ խումբ կը կազմեն սպասքը եւ ծիսական առարկաները:  Ըստ ծագումի՝ անոնք լայն շրջանակ  կ՛ընդգրկեն՝ Հայաստան, Իրան, Հնդկաստան, Չինաստան:

Ցուցահանդէսը կազմակերպուած է ՀՀ Ֆինանսներու նախարարութեան եւ Երեւան քաղաքի պատմութեան թանգարանի նախաձեռնութեամբ։

Այն կը գործէ մինչեւ 2022թ. Փետրուարի 28-ը: